Wednesday, June 4, 2014

ဗဟိုရ်စည်တီးလို့ မောင်းထုတ်ကတ်မေ

 ဗဟိုရ်စည်တီးလို့ မောင်းထုတ်ကတ်မေ
=========================

အလင်းမဟိ သုညကမ္ဘာထဲက
မောဟလမ်းမတိထက်မှာ
ကိုယ့်သွီးကို ဖောက်ထုတ်စားသုံးယင်း
ကြီးပြင်းလာခရေ လူပါ...။

စမ်းတဝါးဝါး ၀ထ္ထုတိကြားမှာ
ယုံမှားသံသယတိနန့်
ဘဝ၏ဖြစ်တန်ရာစွမ်းတိကို
လက်ချိုးရွီတွက်မနီဘဲ
မျိုးဆက်သစ်ရို့အဖို့ အသက်ပီးဆပ်ခရေလူပါ..။

မိစ္ဆာတိ ပူးဝင်စီးထားခြင်းခံရရေ
ဒေ-ဒွိ-ဟ(အမှောင်ကမ္ဘာ)ထဲမှာ
ဖွင့်ရခက်နီရေ အမှောင်တန်းခါးတိ
အချိန်တန်နီပျာယ်ဖြစ်ကေလည်း
သော့ခတ်ခံထားရတုန်း...။

ဒဏ္ဍာရီ သွီးရို့စီးဆင်းရာ
ဒေ-နဒီကြောထဲမှာ
ငါ၏ရဲရင့်နီ သွီးတိနန့်ရွီးဆွဲ
လွတ်လပ်စွာ မျောပါခွင့်မရရေ
မျိုးဆက်ရို့၏အားတိ...။

မြစ်ကြောနဒီထဲမှာ အလားတူ
သွီးရို့ နှန့်တတူစိမ့်ဝင်လို့
အနာဂါတ် ရွှီရောင်လွှမ်းဖို့ရာ
ငါ့..နှလုံးသွီးပေါင်းများစွာကို
သောက်သုံးယင်း ... ခရီးဆက်ကတ်ပါ..။

နိုင်ငံအနှံ့ "လ” ကတော့ မိုက်နီတုန်း
ကြယ်ကြွီအချို့၏တိမ်မြုပ်မူတိနန့်
လမ်းတိဖောက်သမျှလည်း
လမ်းတိပျောက်နီရရေ…။

သူရို့က..
အစွမ်းဟိသလောက် "က" ကတ်ဖို့…
မိုးခါးရီသောက်သူရို့ကတော့
ပွဲကောင်းနီရေလေ…။

တ၀ါးဝါး တဟားဟားရယ်ဟီးသံတိနှန့်…
ကမ္ဘာပျက်တေပိုင်
သွီးညှီနံ့တိထပ်လောင်းလို့ 
မကောင်းဆိုးဝါးတိ
တွန်နီကတ်တေ ဒေမြီကြီးကို..
မျိုးဆက်ရို့အားး(သွီး)တိ စည်းလုံးပျာယ်
ရက္ခ-ဗဟိုရ်စည်ကြီးတီးလို့..
မောင်း ထုတ်လိုက်ကတ်မေ.. သတ္တိဟိလား..။ ။

(လင်းဆက်ဝတီ)

(ကျဆုံးလီပြီးဖြစ်သော အာဇာနည်ဥက္ကဌကြီးခိုင်မိုးလင်းအား ဤကဗျာဖြင့် ကမ္မည်းမော်ကွန်းတင်၍ လေးစားစွာအလေးပြုအပ်သည်။)

Tuesday, June 3, 2014

"တာပြတ်လဲမည်"

 "တာပြတ်လဲမည်"
==========

လက်မောင်းလက်ဖန် ပြောက်တန်လောက်နန့်
ရထားဆွဲဖို့ လာလတ်တေ
ဗေဒင်ဝှရား မီးခယင့်လား။

ဂြိုလ်လားဂြိုလ်လာ ဇာတာစောင်းလို့
ရထားယှုံးဖို့ မြင်လတ်တေ
အရှက်ရမည် မလာကတ်ကဲ့ --။

ဒေါက်ဖနတ်ကြီး စီးလို့လာ
လမ်းလျှောက်တေခါ ယိုင်ပီယိုင်ပါး
ရထားဆွဲဖို့ လာလတ်ခါ
ကြိုးကိုပါအောင် ဆွဲနိုင်ယင့်လား
ကြိုးကိုကိုင်လို့ လက်ပေါက်ကေ
ပုဝါချေနန့် ပတ်လို့ထားလိုက် --။

အို မရီးရို့ မရီးရို့
မမဂေါင်းဆောင် ထိုအရီးက
ခါးကြိုးဆွဲလို့ ထွက်လတ်တေ
ကုလေလူချေ ကျွန်တော်ရို့နန့်
ရထားပြိုင်လို့ ဆွဲရေခါ
လဲပါလားမည် သတိထားကတ် --။

ယောက်ျားဖက်က မောင်ရို့မှာ
နိုင်ဖို့ဆိုစွာ ကျိန်းသီသိလို့
ဆွဲရဖို့တောင် အားနာရေ --။

ဆိတ်နန့်ဆင်ပုံ ပမာပြလို့
အားချင်းမမျှ ယုံကတ်ပါ
ဘုရားသတ်စီ နိုင်ဖို့ဖက်သား --။

စေတနာနန့်ပြောခမည်
ယှုံးဖို့လာရေ အိုမရီးရို့
လဲပြိုကျလို့ ဒူးပွန်းကေ
အယှုံးပီးပျာယ် ပြန်ကတ်ပါလင့်
ဆွဲနီလို့လည်း အပိုရာ
ကမ္ဘာဆုံးတောင် နိုင်ဖို့မဟုတ် --။

ခါချိုင်ကောင်ပိုင် မာန်ဟုန်ကြီးလို့
ထိုတောင်ကြီးကို ဖြိုဖို့ကြံ
ခါးကမသန် မာန်ကိုလျှော့ကတ်
မာန်ကိုလျှော့လို့ ပြန်ကတ်လီ
ပြန်ရာပြန်လီ အိုမရီးရို့ --။ ။

လက်မောင်းလက်ဖန် အကြီးသန်နန့်
ရထားဆွဲဖို့ လာလတ်တေ
နိုင်ဖို့ထင်ရေ အိုမောင်းမောင်ရို့
နားထောင်ကတ်ဖို့ ပြောပြမည်
လောကအလယ် အကျွန်ရို့မှာ
မောင်းထောင်းရီခတ် တတ်မျိုးစုံ
လက်ရုံးအစုံ အောင်တိုင်းမြောက်လို့
ရထားချေလောက် ဆွဲရာမှာ
မနိုင်စရာ အကြောင်းမဟိ --။

ညီညီညာညာ ခွန်အားစိုက်လို့
အကျွန်ရို့က ဆွဲလိုက်ကေ
တာပြတ်လဲမည် သတိထားကတ် --။

မမတိရာ ဆိုပြီးကေ
ခွန်အားနည်းရေ ထင်မိမှားလို့
ရထားပွဲမှာ ဆွဲရေခါ
အံ့သြစရာ မောင်ရို့ယှုံးလို့
ယူကြုံးမရ ဖြစ်လိမ့်မည် --။

လွန်လီခရေ ရထားပွဲမှာ
အကျွန်ရို့ကို နိုင်ဖူးယင့်လား
စကားလုံးက ကြီးကြီးကျယ်
အလံယူရေ နောက်ဆုံးနိမှာ
ကော့ကော့လန်လို့ ယှုံးလိမ့်မည်
သေသေချာချာ ကြည့်လို့ဆွဲကတ် --။

ရပ်စောက်ထလို့ အားကိုပျင်
ကြိုးကိုဒေါင်တင် ညီအောင်ဆွဲလို့
ရထားပွဲကြီး အပြီးမှာ
ယှုံးရေမျက်နှာ ဖုံပြာပြာနန့်
အမောင်ရို့ရာ ပြန်ကတ်လီ
ဇာမထီ မမဖက်သား--။

လဆုတ်နိရက် နောက်ဆုံးမှာ
အောင်ပွဲခံကာ အလံယူဖို့
ရထားမီးတိုက် ကျိန်းသီပါ
ယှဉ်ပြိုင်လာလို့ ရဖို့မဟုတ် --။ ။

(ကွယ်လွန်သူ ဆရာကြီးဓညစံ စုဆောင်းဖော်ပြပီးခသည့် ရခိုင်ဂန္ဓ၀င်ကဗျာကောင်းတပုဒ်ဖြစ်ပါသည်။ ကွယ်လွန်သူဆရာကြီးဦးရွှေဇံအောင်၏ရခိုင်အလင်းပြကျမ်းမှ ကောက်နှုတ်ဖော်ပြပါသည်။)

Saturday, May 31, 2014

သမိုင်းဖျောက်နီသော ပန်းကြွီများ



သမိုင်းဖျောက်နီသော ပန်းကြွီများ
====================

ရက္ခဥယာဉ်တော်ထဲက
ရက္ခိတရို့ နှလုံးသွီးနန့်ပက်ဖြန်း
အမွှမ်းတင်ထားရေပန်း .. သဇင်ပန်း လတ်..။

ဧဂုတော့.. ရက္ခိတရို့အံဖတ်
တန်ဖိုးမဟိသော လမ်းဘေးက ပန်းကြွီများ ..။

အသက်ယှူလို့မရပါ... လုံးဝ..လုံးဝ..ကို...။
ဘယ်ဖက် ရင်အုံထက်ကို
တိမ်တိပြိုကျနီလို့....။

ဘွဲ့မည်နာမ ရက္ခိတနန့်
ကိုယ်ဖြစ်တည်လာရာ ဘ၀ကို
သိယင့် မိကွန်ဆောင်....
နင်စွာ သမိုင်းမကျီခသူရာ ပန်းကြွီ..။

ညစ်နွမ်းနွမ်း ပန်းခင်ကြီးထဲမှာ
အကြွီတကာ့ အကြွီဆုံးစွာ ..သဇင်ပန်း ..။

ရာဇ၀င်စစ်တမ်းထဲမှာ
မြင့်ရာမှာပွင့်ရေ ပန်းသဇင်စွာ
လူရို့၏လေးစားခြင်းကို ခံရရေ..
တန်ဖိုးထားကတ်တေ..။

ဧဂုခါ..
အာကာလီဆောင် တိမ်ရိပ်ယောင်အလား
ဘ၀င်လီဟပ်လို့ ဇတ်ကြိုးပြတ်ရေခါ
ကျမန့်အိုင်မှာမြုပ် စုပ်စုပ်နစ် နီယာမနား...။

ငါက နင့်ကို တော်ဝင်ပန်းဖြစ်လို့
မယှူယှိူက်ဝံ့ဘဲ.. တန်းဖိုးထားခရေ
ငါနင့်ကို ရင်နာမဆုံး နှမြောမိရေ..
ဟိသမျှသိက္ခာကို ရိက္ခာနန့် လှဲလိုက်စွာလား ပန်းကြွီ..။

မဟုတ်ကေ.. .....
တရက်တာ အဖော်ပြုခံရစွာကို
နင့်ရင်မှာ တသက်စာ မှတ်နီလား
ငါထင်စွာကတော့.. နင့် အသိတရားတိကို
တဏှာ ဖုံးလွှမ်းလားပျာယ် ပန်းကြွီ...။

ကိုယ်ရောက်နီရာ ကမ္ဘာရွာကို
တချက်ချေပင် လေလာမကြည့်
ဘ၀ဆိုစွာ တခါတရီ နင်ထင်စွာထက်
ပိုပြီး ရက်စက်တတ်တေ.. ပန်းကြွီ ..။

အဖွဲ့စည်းတိနန့်နီကတ်တေ ပတ်ဝန်းကျင်မှာ
ရက္ခပန်း တပင်၏အနုပညာကို မင်းလေ့လာရလိမ့်မေ..။

လီယူရာဖက်ကို မယိုင်းဖို့ မသင်ကြားချင်ကေ နီ
မုန်တိုင်းတိထဲမှာတော့ မင်းအသက်ရှင်နီရဖို့ ..ပန်းကြွီ ..။

ကျေးဇူးပြုပြီး နင့်ဘ၀နန့် ရင်းလို့မပုံအပ်လိုက်ပါကဲ့
နင်ဖြစ်ပျက်နီရေ ဘ၀ကိုကြည့်လိုက်ကေ..
ငါစွာ... တကမ္ဘာလုံးနှင့် စစ်တိုက်ပစ်လိုက်ချင်ရေ ပန်းကြွီ..။

ပန်းကြွီ..
ဇာပိုင်ပီးကေ ဇာပိုင်ရရေလို့ နင်မတွေးပါကဲ့
ရက္ခိတရို့က လွဲကေ... နင့်ကို...
ဇာသူလဲ..... (၇) ရက်ထက်ပိုပြီး စိတ်မ၀င်စားတတ်လို့ပါ..။

ရက္ခဥယာဉ်ထဲ နင်ရှင်သန် ၀ံ့ဖို့ဆိုကေ
ငါ့ ရင်ဘတ်ထဲက နှလုံးသွီးရို့ကို..
နင့်၏မီသြဇာအဖြစ်နှင့်
အားသစ် စမ်းလိုက်ပါ. ... ပန်းကြွီ..။ ။

(လင်းဆက်ဝတီ)

နင့်ကိုတန်ဖိုးထားရေ ယင်းဟင့်ကို နင်ကမသိ
ရင်နာရေ ရင်ဆာရေ.. သုံးစားမရရေပန်း..။ ။

ဝါလကျွတ်ကေ လက်ထပ်မေ


ဝါလကျွတ်ကေ လက်ထပ်မည်
===================

တခွန်းခေါ်လည်း
ခေါ်လို့မထူး
နှစ်ခွန်းခေါ်လည်း
ခေါ်လို့မထူး
ရွှီနားပြင်မှာ
ရွှီခင်လီးလို့
မကြားလီလား --။

နားယောင်လည်းခံ
နားပင်းကွန်ကေ
နားဆံတင်းတင်း
ပျိုမေလှလေ
အောက်ကိုဆင်းလို့ ပြောကတ်မည် --။

စွာကလာကေ
စွာရွာသားရောင်
နပျိုးတောက
ရွက်ကျင်လီစုံတိုက်
ချမ်းလိုက်တေနန့် --။

နားမကြားယောင်
ဟန်မဆောင်
ဘုန်းမောင်လူချော
မောင်းမောင်ခေါ်စွာ
မကြားတကြားကား မောင်းမောင် --။

သရက်ရေ ပင်ပျို
နပျိုးရေပင်လှ
ရွက်ချင်းဆိုင်
မြိုင်မြိုင်အုပ်ကေ
ဆင်ပုတ်ရွာက --။

နတ်နန့်မတူ
လူတင်လေမက
အေရပ်ရွာမှာ
အလွန်လှရေ နှမချေထံ
ချစ်တေဆိုကေ
ထိုအကြောင်းကို
ကကောင်းပြောမည်
အောက်ကိုဆင်းပါ ပုယေ --။

လူရွာသားကို
အမီးစုံစီ
ကိုယ့်ရွာသားကို
အကြည့်စုံစီ
ပဝေသဏီ
ဆိုစကားကို
မောင်းမောင်နားမှာ
မကြားလီလား --။

အကြည့်စုံကေ
စုံပါလီစ
အမီးစုံကေ
စုံပါလီစ
သတင်းဆိုကေ
ဝါလကျွတ်ကေ
လက်ထပ်ကတ်မည် ပုယေ --။

မိနန့်ဖမှာ မွီးစပ်တေ
နွားချေနှစ်ကောင်
ကျွဲငါးကောင်ကို
အသူရေကျောင်းဖို့
လယ်ကဆိုကေ
ငါးတောင်ကျားကို
အသူရေထွန်ဖို့
ဒေကရေကေ
ဒေမေလိုက်ကေ
ထမင်းငတ်မည် မောင်းမောင် --။

မိနန့်ဖမှာ မွီးစပ်တေ
နွားချေနှစ်ကောင်
ကျွဲငါးကောင်ကို
မောင်းမောင်ရာ ကျောင်းမည် --။

လယ်ကဆိုကေ
ငါးတောင်ကျားကို
မောင်းမောင်ရာ...ထွန်မည် --။

သတင်းဆိုကေ
ဝါလကျွတ်ကေ
လက်ထပ်ကတ်မည် ပုယေ --။

(ရမ်းဗြဲကျွန်းမှ ဇမ်းကဗျာများ စုဆောင်းမှု)

ပြောက်ကျား

ပြောက်ကျား
========

ပြောက်ကျား ငယ်နာမေကားမဟုတ်
ကြမ်းကြုတ်ရက်စက် မျိုးဂုဏ်ပျက်အောင်
ထိုးနှက်ရန်မူ ကျူးကျော်သူကို
ခံယူအောင်ပွဲ စစ်ဆင်နွဲဖို့
မလွဲတာဝန် ကျီပွန်ထမ်းရွက်
ခရီးဆက်သူ --။

ပြောက်ကျား
လူယမ်းကားမဟုတ်
မျိုးပြုတ်မခံ ဇာတိမာန်ကြောင့်
ပုန်ကန်တိုက်ခိုက် မျိုးချစ်စိတ်နန့်
ပစ္စက္ခသမိုင်း ကြမ္မာရိုင်းကို
တွန်းလှန်လိုသူ --။

ပြောက်ကျား
အကြမ်းဖက်သမား မဟုတ်
နစ်မြုတ်မခံ ကျွန်ဘဝအတွက်
တွန်းလှန်ဖယ်ယှား လူမျိုးခြားကို
တရားတဖက် ဒါးတလက်နန့်
အသက်ကိုပီး သွီးချောင်းစီးလည်း
ရန်ကြွီးထပ်လီ မျိုးချစ်ပီပြင်
တိုက်ပွဲဝင်သူ --။

ပြောက်ကျား
မတရား မလုပ်
မဟုတ်မခံ မမှန်မပြော
တရားသောစစ် အောင်ပွဲထိုက်ဖို့
ဆက်တိုက်ချီတက် ခရီးဆက်ယင်း
သွီးလမ်းခင်းသူ --။

ပြောက်ကျားလို့ဆိုဆို
သူပုန်လို့ပြောပြော
အမှန်တရားနန့် အမျိုးသားရေး
ရှိမျှော်တွေးလို့
ဖောက်လွဲဖောက်ပြန်
နယ်ချဲ့ ရန်ကို ခုခံသူရာ --။

ပြောက်ကျားရို့၏သမိုင်း
ခပ်ရိုင်းရိုင်းကားမဟုတ်
ပြောက်ကျားရို့၏စရိုက်
ယုတ်ယုတ်မိုက်မိုက်လည်း မဟုတ်ယေ
ငြိမ်းချမ်းရေးနန့် အမျိုးသား
လွတ်မြောက်ရေးအတွက် အမြုတေ
မွန်မြတ်ရေ နှလုံးသားနန့် ထုဆစ်
သမိုင်းတခေတ်၏ အသင့်တော်ဆုံး
လက်ရာကိုဖန်တီး
မအီးချမ်းနိုင်ရေ လူသားမျိုးနွယ်ရို့၏ဇစ်မြစ်
မြီအောက် မရောက်ဖြစ်အောင်
သမိုင်းပီး တာဝန်ကိုထမ်း
မီးခင်းလမ်းဘဲ ဖြစ်ဖြစ်
သွီးခင်းလမ်းဘဲ ဖြစ်ဖြစ်
ရသင့်ရထိုက်သော အဖိုးအဖီးအမွီအတွက်
ကိုယ်ကျိုးစွန့်(အရာရာ)
ပီးဆပ်ဝန့်သူအမှန်ရာ --။ ။

ဘော်ဒါလူသား(၁၆။၂။၀၆)

ငါရို့ ဇာလုပ်ကတ်ဖို့လဲ (သို့မဟုတ်) တွေးကြည့် ငေးကြည့်နီလို့တော့ မဖြစ်ပျာယ်


ငါရို့ ဇာလုပ်ကတ်ဖို့လဲ (သို့မဟုတ်) တွေးကြည့် ငေးကြည့်နီလို့တော့ မဖြစ်ပျာယ်
======================================================

(၁)
ကြည့်-----။
ထောင်စုနှစ်များစွာချီလာရေ
ကိုယ်ရို့ သမိုင်းရာဇဝင်ကို မျိးဆက်ကိုယ်စီဝတ္တရားဖြစ်လို့
ပြန်လည်ဖော်ထုတ်ဖို့ ပြောဆိုကတ်တေခါ
မဟာ့မဟာဝါဒီတိက
အမြင်ကျဉ်းမြောင်းသူရို့အဖြစ် ယိုးစွပ်ကတ်တေ
ယေပြီးကေ
ပုန်ကန်သောင်းကျန်းသူတိလတ်၊
ငါရို့တိကိုဝေဖန်ယှုတ်ချ
ပြင်းထန်စွာ
တိုက်ခိုက်ခြီမှုန်းကတ်တေ--။

ထော-----။
သူရို့သမိုင်းကြောင်းမှာ
ကိုယ့်ရာဇဝင်ဟောင်းတိနန့်
ရောသမမွှီကတ်တေခါကျကေ
တိုင်းရင်းသား
ညီအကိုတိပါရာလတ်၊
ချိုသာသိမ်မွိရေ
ကောက်ကျစ်စဉ်းလဲမှုတိနန့်
မြီမြုပ်သဂြိုလ်ဖို့အတွက်
ဇွဲနဘန်းကြီးစွာ
လုံးပမ်းအားထုတ်နီလီကတ်ယင့် --။

(၂)
နယ်ချဲ့ရို့၏
ညှင်းပန်းရက်စက်ခြင်းကိုခံကတ်ရရေခါ
သို့တည်းမဟုတ်
လွတ်လမ်းကိုထွင် တိုက်ပွဲဝင်ဖို့
ပြောကတ်ဆိုကတ် စုရုံးကတ်တေအချိန်မှာ
ခါးသီးနာကျီးရေ
ခံပြင်းမှုတိနန့်
ကိုယ့်တိုင်းပြည် ကိုယ့်လူမျိုးအတွက်
စေတနာပါပါ ကြုံးဝါးလီခကတ်တေ --။

ထော------။
တော်လှန်ခရီး ညီးငွေ့လာကတ်လို့
အမျိုးသားရေးနန့် တိုင်းပြည်ရေးထက်
ဝမ်းရေးခက်လာကတ်တေခါ
သို့တည်းမဟုတ်
အတ္တလိုအင်အတွက် လုံးပမ်းလာကတ်တေအခါ
မူမမှန်ရေ အကြောင်းပြချက်တိနန့်
ကျွန်ဇာတာ အမှတ်တံဆိပ်တိကို ခတ်ပနာ
ငလိငလည် ခရီးစဉ်တိကို
ဂျီဝါဂျီဝိ စိုင်းပြင်းနီလီကတ်ယင့် --။

(၃)
ဇာပိုင်ဖြစ်ကတ်ရစွာလဲ
လူမျိုးစု အမည်ခံတိကြားမှာ
ပြည်ထောင်စု လူ့ဘောင်သဖောနန့်
ဟန်ဆောင်မှုကိုယ်စီ လွှမ်းခြုံထားကတ်ရရေပိုင်
ပြန်လည်လွတ်မြောက်ရေးအတွက်ရာ
အမြုတေလာခကတ်တေဆိုကေလည်း
တော်လှန်သူ ငါရို့တိကြားမှာ
“လွတ်လပ်ရေး” ဆိုရေ
သွီးစကားကိုတောင် စေတနာပါပါ
ပြောဆိုဖို့ မလွယ်ကတ်ပျာ --။

ထော------။
ညီညွတ်ရေး---။
လွတ်မြောက်ရေး---။
ငြိမ်းချမ်းရေး---လတ်၊
အမျိုးသားရေးလို့လည်း ဆိုနီကတ်ယင့်
ယုံတမ်းစကားတော့ခါ မဖြစ်စီချင်
မျိုးနွယ်တခုလုံး ပျက်သုဉ်းလုနီးပါး
ဆိုက်ရောက်နီရေ
ပကတိ အနီအထားမှာတောင်
ဆက်ပြီးကေ ဝပ်စင်းခံပီးဖို့
စိတ်ကူးယဉ်ကတ်ချင်သိမ့်လို့လား --။

(၄)
မြီမှာဝပ်စင်း လမ်းခင်းဘဝ
ရောက်နီကတ်ရရေ
ရှိဟောင်းအမွီအနှစ် အကြွင်းအကျန် အပိုင်းအစတိ
ဒဏ္ဍာရီပြုံပင်အဖြစ်နန့်
နိဂုံးကမ္ပဋ် အဆုံးသတ်ရဖို့ဟိနီရေ
သမိုင်းဖြစ်ရပ်တိ
မပီပြင် မထင်ရှားဖြစ်နီရေ ကိုယ်ပိုင်ယဉ်ကျေးမှုတိ
တိမ်းကောပျောက်ကွယ်နီရေ အမျိုးသားစာပီတိ
အဖြည့်ခံလူသား (လူမျိးစုချေ) အဖြစ်နန့်
သံဝေဂကင်းမဲ့စွာ လျှောက်လှမ်းနီကတ်တေ ဦးတည်ချက်တိ --။

အေချင့်-----။
အေချင့် အားလုံးအတွက်
မှန်ကန်မွန်မြတ်ပြီး
ရဲရင့်ပြတ်သားရေ ဇာတိသွီးဇာတိမာန်နန့်
ရင်ဆိုင်ရပ်တည်ကတ်ရဖို့အစား
ယောင်ဝါးဝါး
ဖော်လံဖားနီကတ်တေ
ပစ္စုပ္ပန်တိကိုကျော်ဖြတ်ဖို့
ငါရို့မျိုးဆက်တိ
ဇာပိုင်ဆုံးဖြတ်ကတ်ဖို့လဲ ---။ ။

(ကျောက်ဖြူညီလာခံသို့ တပ်လှန့်ခြင်း)

(ဘော်ဒါလူသား)

တုနှိုင်းမရရေ မိတ္တာတိနန့်


တုနှိုင်းမရရေ မိတ္တာတိနန့်
================

သမီးချစ်ခင်လေးစားရပါသော `ပါပါ´
တနိ အားလုံးသူ
ခွဲခွာရဖို့ဆိုစွာ သိကေလည်း
မတရားနှိပ်စက်
သူတပါး ပယောဂကြောင့်
သမီးရို့မိသားစုနန့်
ရခိုင်သူ ရခိုင်သားတိကို ခွဲလို့
ဘဝတစ်ပါးကို
`ပါပါ´ကူးပြောင်းလားခရေအတွက်
မဖြေသိမ့်နိုင်လောက်အောင်
သမီး ခံစားရပါရေ --။

ပါပါ့ မျက်နှာကို
နောက်ဆုံးတခေါက်ချေလောက်တောင်က
မြင်ခွင့်တွိခွင့် မရလိုက်ကေလည်း
ဘဝဆက်တိုင်းမှာ
`ပါပါသမီးရာ´ ဖြစ်ရပါဇီလို့
အမြဲ ဆုတောင်းပါမေ --။

တုနှိုင်းမရရေ မိတ္တာတိနန့်
သားသမီး မိသားစုအပေါ်တောင်မက
ရခိုင်တမျိုးသားလုံးအတွက်ပါ
အသက်ကို ပီးဆပ်လားခရေ `ပါပါ´
သမီးအတွက်ကတော့
`ထာဝရသူရဲကောင်း´ ဖခင်ပါ --။
ပါပါကောင်းရာသုဂတိ လားပါဇီ --။

(ချစ်သမီးကြီး ညိုချေ)

ဖက်ခွက်လက်ချက်နန့် (12/4/2014) မှာ အသက်သီကျလားခရရေ သူရဲကောင်းဖခင်ကြီး ဦးမောင်သိန်းအတွက် သီတမ်းစာကဗျာ။

စောက်ဆိုးပတ္တနား

 စောက်ဆိုးပတ္တနား
===========

လိမ္မာမြင်ပြင်း ဆင်းရဲအားရ
ကြွယ်ဝမနာလို ကိုယ်ထက်သာမကြိုက်
အမိုက်လေးပါး ဤတရားကို
ရိက္ခာအပြည့်သိုထား
ဣသာမိစ္ဆရိယစိတ်ကို
ဝမ်းစာအပြည့်သိုလှောင်
ရွှေကွပ်ထားရေ ဇတ်ဝတ်စုံနန့်
မဏ္ဍပ်တိုင်တက်လို့ ကပြ
ယိုလူမရှက် မြင်လူရှက်
တော်လှန်ရေးကာလမှာ ပွေသာရှာနီပြီးကေ
ပွေသာရှာဖို့အခါကျ တော်လှန်ရေးလုပ်ပြနီရေ
မျက်နှာလို မျက်နှာရ
စားပွဲခုံထက်မှာ စာအုပ်တပုံတင်လို့
မိမ္မချေတိရှိကျ ကားရီကားရားလားပနာ
အေစောက်ဆိုးပတ္တနားတကောင်ကို
ကင်းပွန်းရွက်နန့် သင်းပုံးလျှော်
ကနခိုနန့်ဝမ်းလျှူပနာ
စန်ဂိုးခတ်လို့ မောင်းထုတ်ပစ်လိုက်ရဖို့ --။

(သာလှဦး)