လမ်းချော်နီရေ အိမ်မက်

လမ်းချော်နီရေ အိမ်မက်
----------------
အားနည်းချက်တိနန့်
သွီးအီးနီရေ အမျိုးချစ်ခြင်း
အကြောက်တရားလမ်းမထက်မှာ
ပန်းဖူးမဟိလားနီယင့်...။

ကြယ်တိကြွီကျနီရေ အာကာပြင်မှာ
ဝံလက်ရို့ တောင်ဖံခတ်သံ
မကြားရစွာကြာနီပျာယ်...။

ဆင်ခြင်တုံတရား
ခြစားနိန်ရေ ရပ်ဝန်းမှာ
ပဋိပက္ခမုန်တိုင်းတိတိုက်နီစွာ
အဆန်းကမဟုတ်...။

တန်းခါးတိအားလုံးဖွင့်ပီးထားခါမှ
ပွင့်လင်းခြင်းကို မကြိုက်တေလူ
လမ်းချော်နီလီရဖို့စွာပျာယ်ယေ...။

အ၀ီးကို လှမ်းကြည့်မမြင်ပဲနန့်
အနာဂါတ်တရားလာဟောပြနီကေ
မြီစာမြက်ပင်ချေဖြစ်လားရစွာက
အချိန်ဆိုရေ ခဲဝါချေကောင်ပ...။

စိမ်းစိုနီရေ တောအုပ်ကြီးကို
ဖြတ်လားနီရကေလည်း
ရင်ဖတ်ထဲမှာ ကန္တာရကြီးက
အပူမီးတိတောက်လို့...။

အန်မတုဝံ့မှု အာမခံဝံ့မှု
လွတ်လပ်ခြင်း၏အနှစ်သာရကို မခံစားတတ်မှု
မျိုးရိုးဗီဇ၏ဂုဏ်သိက္ခာကို နားမလည်မှု
ဒေပိုင် တွင်းနက်ကြီးတိထဲမှာ
ဇာနှစ်ခါလူးကျသီနီကတ်ဖို့လဲ မသိလိုက်ပျာယ်...။

ခိုင်အောင်အောင်
၂၀၊၀၇၊၂၀၀၉