Sunday, May 3, 2009
အဆုံးကျမှ ညွတ်မှန်းသိ
အဆုံးကျမှ ညွတ်မှန်းသိ
-----------------
အချေခါက
ရီလောင်းပျာယ်ပျိုး
ညှိုးလားမည်
စိုးရိမ်စိတ်နန့်
မွမ်းမံဂရုစိုက်ခ
မင်းဥယာဉ်မှုး --။
အရွယ်ရောက်စ
အနှစ်မပြည့်ခင်
ပျင်ဆင်ပီးခစွာက
မြီသြဇာအားဆီးတိ
ငါ့ကိုတိုက်ကျွေးခ
မင်းဥယာဉ်မှုး --။
အားမြတ်လို့
ငါထွားနီရေခါ
ပီတိတရွမ်းရွမ်းနန့်
ငါကိုကြည့်ပျာယ်
ပျော်ရွင်ခရေ
မင်းဥယာဉ်မှုး --။
အရွယ်လည်းမအို
အသက်လည်းမကြီးသိမ့်
ငါလှပနီရေအချိန်
ဒါးပြတ်ပြတ်နန့်
ဘောင်းဘောင်းမြည်အောင်ခွတ်
အကာနန့်အခက်တိကိုဖျင်
အအူအနှစ်ကို ခွဲထုတ်
ငါ့ကိုသတ်ခစွာ
မင်းဥယာဉ်မှုး --။
ှုငါ့လက်ငါ့ခြီတိ
မရောင်းခင် နီလှန်း
မဆွီးခင်မီးဆိုက်
ဇာပိုင်လုပ်လုပ်
မင်းစိတ်တိုင်းကျ
ငါ့လိုက်ခယင့် ဥယာဉ်မှုး --။
ပြုစုယုယခ
အားလုံးကိုအကောင်းမြင်
မင်းပီးရေအစာကိုစား
မင်းပီးရေ ရီကိုဆီးထင်
ပျော်ပျော်ရွှင်ရွှင်နန့်
ငါဖြတ်သန်းခစွာ
အဆုံးကျမှ
ညွတ်မှန်းသိရေ --။
ငါကား
သစ်ပင်တပင်ရာ
လုပ်ချင်ပိုင်လုပ်
မင်းလုပ်သရိ ငါခံယင့် --။
အသျှင် (Ashun)
Subscribe to:
Post Comments (Atom)
No comments:
Post a Comment