Tuesday, May 26, 2009
ငိုခြင်းစီလို့ ငိုလိုက်ချင်
ငိုခြင်းစီလို့ ငိုလိုက်ချင်
---------------------
အဘာလေး အဘာ ... !
အဘာဟိခါက
အဘာသားသမီးတိ
ရွာအလယ်မှာ
မျက်နှာပွင့်ခစွာတိ
ဒေဂုခါမှာ
ခွက်ကိုင်ပျာယ်
ရွာစိုင်လျှောက်မတောင်းရကေလည်း
အရပ်သျှစ်မျက်နှာမှာ
ကျွန်ခံနီကတ်ရပျာယ်ထော
အဘာ... !
အဘာလေး အဘာ ... !
အဘာဟိခါက
အဘာရို့အိမ်မှာ
ဧယိုင်သာခြင်းသံညံလို့
စာပီလင်္ကာ
ထထိန့်ကြိုးခကေလည်း
ဒေဂုခါမှာ
အဘာသားသမီးတချို့
ကိုယ့်စကားကိုမပြောချင်
ကိုယ့်စာကိုတောင် ရွီးဖို့ရှက်နီကတ်ပျာယ်
အဘာ ... !
အဘာလေး အဘာ ... !
အဘာဟိခါက
အဘာသားသမီးတိ
အမျိုးစောင့်ထိန်းရေလို့
ရာဇ၀င်မှာ ထင်ပေါ်ခကေလည်း
ဒေဂုခါမှာ
ရစွာယူလို့
ဘဘောင်းဆုံးနီကတ်ပျာယ်
အဘာ ... !
အဘာလေး အဘာ ... !
အဘာဖိုးဖီးရို့
ဆယ်သက်စားမကုန်
ထားခကတ်ကေလည်း
ရွာလယ်မှာ ပြောစရာဖြစ်လားစွာစကားက
“မ,မ” နန့် “ဗျ” ရာကျန်ပျာယ်လတ်
အဘာလေးးး .... !
အဘာတချက်လာကြည့်ဖိ ... !
(ကိုမင်း) (Ko Mum)
Subscribe to:
Post Comments (Atom)
No comments:
Post a Comment