ထုဆစ်လက်ရာ

ထုဆစ်လက်ရာ
----------
ခံစားမှုနန့် အားလုံးအောင်မြင်ဖို့
နိရက်သစ်ကို ဦးတည်ပြီးလားနီကတ်
မမြင်နိုင်ရေ ကံတရားကိုအပြစ်ဖို့
ယုံကြည်မှုတိ ယိမ်းထိုးလာရေနောက် --။

ငါ.... အကြောင်းမဲ့
လူသားတိကို မုန်းတီး
ရွံမိအံမိရေနောက်
သူရို့တိပြောနီကတ်တေ
အမှောင်လောက
ငါ....ဆက်လျှောက်မိုက်နီရေ --။

မှန်ကန်ရေထင်လို့ စကြာဝဠာထဲက
သဲတပွင့် ငါ... ခါးခါးချေမျိုချ
အရုပ်ကြိုးဆွဲပိုင် ကကွက်ကလွတ်မြောက်ဖို့
အသွီးသားတိ ကုန်ခမ်းခြောက်သွိလို့
စက်ရုပ်ဖြစ်ကေတောင်
အသုံးတော်ခံဖြစ်နီဖို့အစား --။

ငါလေ....တမ်းတမိရေ တခါတခါ
ချစ်သူလက်ဆွဲပြီး
အီးယောင်ဝမ်းထဲကို --။

မကောင်းဆိုးဝါးတကောင်ပိုင်
ပြုပျင်ဖို့ခက်ခဲရေစိတ်
ဇာသူဖန်တီးပီးခရေလဲမသိ
တမာပိုင်ခါးခါးချေ အလွမ်းသခြင်းတိဖွဲ့ဆိုလို့
ငါ့လက်ရာ ၀င်းသန္တာလည်းမကြိုက်
အဖြစ်သနင်းတိရာ
နွီဒဏ်သင့် ကျိုးကိုင်းပိုင်
ငါ....လေ
သတိရမိယင်း လွမ်းငိုယင်းနန့် --။

ခိုင်မြတ်သျှင်(စနီချောင်း)
၎.၈.၂၀၀၉