Monday, August 17, 2009
စည်းလုံးကတ်ဖို့ယာဆိုကေ
စည်းလုံးကတ်ဖို့ယာဆိုကေ
----------------
သဇင်ပန်းခိုင် တမြိုင်မြိုင်ကေ
ရခိုင်မှာဘုရား တည်ထားပနာ
အယင်ခါက သာသနာရောင်
ထွန်းလင်းပြောင်လို့ ရွှီရောင်ထီးနန်း
စံမြန်းလတ်တေ ရခိုင်ပြည်မှာ --။
အဂုခါဆို ဇာတီပုထိုး
နန်းမြို့ရိုးတိ ကျိုးပဲ့ပြိုပျက်
ခြုံနွယ်တက်လို့ ကျောက်ထက်အက္ခရာ
ငါရို့စာနန့် ရိုးရာအမွီ
ပျောက်ကွယ်နီရေ ဌာနီရခိုင်ပြည်မဏ္ဍိုင် --။
ဘဝဆိုရေ တချက်ချေမှာ
ငါစွဲအတ္တ မာန်မာနနန့်
ဒေါသတိကို ရှိတန်းကတင်
မဆင်ခြင်ပဲ ဘဝင်လီဟတ်
ရှိဆက်ကတ်ကေ စုတ်ပြတ်သတ်ပနာ
အဂုခါဆို အာဏာသျှင်အောက်
ဒုက္ခရောက်လို့ ချိုးဖောက်ခံရ
လူ့အခွင့်ရေး ပိုင်ညာရေးနန့်
စီးပွားရေးဆို ပိုဆိုးလာကာ
လုပ်စရာယှား ဆန်စပါးနန့်
အသားငါးတိ စားဖို့မဟိ
ကြုံကာတွိလို့ ဖိနှိပ်ခံနီ
ရခိုင်မြီစွာ ဇာခါလွတ်မြောက်လီဖို့လဲ --။
ချစ်လီညီလီ စည်းလုံးလီလို့
ဖိုးဖီးရို့က မှာဟိစကား
လက်ကိုင်ထားပနာ အမျိုးဘာသာ
သာသနာတွက် ဆောင်ရွက်ကြိုးပမ်း
နိုင်စွာထမ်းလို့ လျှေက်လှမ်းကတ်ကေ
ငါရို့ပြည်မှာ သာယာဝဖြိုးလာဖို့ယေ --။
Arakan Dolphin (ကျောက်တော်)
Subscribe to:
Post Comments (Atom)
No comments:
Post a Comment