ငရို့ညီ ၀မ်းကွဲတိအကြောင်း (၁)

ငရို့ညီ ၀မ်းကွဲတိအကြောင်း (၁)
---------------------------------
ဒေ AMP မှာ ဖောက်သည်ချဖို့ပျာယ်။ ငရို့မှာ ၀မ်းကွဲညီတိအများကြီး။၊ ယင်းထဲမှာ အမျိုးအမျိုးတိပါရေ။ လူတော်၊ လူဆိုး၊ ဟက္ကရီကျ၊ ဆီးဆုံး၊ အငုတ်တုံး၊ စောင်းကန်း၊ ငပျင်းထွေ၊ ရွီကေကျီဖို့မထင်။

စိတ်ကောင်းရေ လူတိ၊ ဒေါသကြီးရေ လူတိ၊ ယင်းပိုင်မကန်။ အော် ဒေနန့်စကားမစပ်၊ ယင်းအထဲက ငရို့ဝမ်းကွဲညီချေတယောက်အကြောင်းကို ပြောပြမေ။

ငရို့တိက သူ့ကိုဒေါသကြီးလို့ “တစ်စူးထိုး“ လို့ခေါ်ရေ။

"တစ်စူးထိုး"

နာမည်အရင်းကိုတော့ခါ မပြောပျာယ်။ ငါ့ကို သတ်ဖို့လာဖို့စွာကို ကြောက်လို့။ ရွံတတ်စွာမှာလည်း မပြောကဲ့။ သူ့အိမ်ကို နွမ်းနွမ်းပါးပါး ဆင်းရဲသမတယောက်ဝင်လာကေပင် အိမ်ကထမင်းကို မစားပျာယ်။

အချေခါ ယင်းပိုင် ညှက်တေ။

ငရို့အကြီးသျှင်မှာ သူ့သားထမင်းမစားလို့ မျက်ရည်စက်လက်နန့် သနားလို့၊ ချစ်လို့ သူ့သားကို။၊ ငရို့ကတော့ခါ သူ့ကိုမသနား။

အကြီးသျှင်ရို့အိမ်မှာ မုန့်လုပ်တေဆိုကေ...

ငရို့တိက “တစ်စူးထိုး” ကို ယင်းဆင်းရဲသမ အိမ်ကိုရောက်လာရေလို့ လိမ်ပြောပစ်လိုက်ကေ ယင်းမုန့်ကိုမစားပျာယ်။

ယေကေ ယင်းသူ့အ၀ီကို ငရို့တိ တပျင်းတီး။ နည်းနည်းပျော်ဖို့ ကောင်းစွာမဟုတ်။

အကြီးသျှင်က ငရို့တိကို မာန်ပါရေ။ သူ့သားကို ယင်းပိုင်ပြောလို့။

ယေကေလည်း ငရို့တိ ထုံ့တောင်မထုံ့။

ဆက်ပြောဖို့ပျာယ်။ အဖြစ်အပျက်က ဒေပိုင်။

ငရို့ဝမ်းကွဲညီ တရက်နိ မာန်ပါပါနန့် ဒန်ခန်ချေမှာ ထိုင်နီရေ။

အမိသည် မုန့်ဖိုးမပီးလို့လား...?.... ဇာအလိုမကျလဲ မသိ။

ယင်းလောက် မာန်ပါနီစွာမှာ နားခေါင်းမှာ ယင်တကောင်လာနားရေ။

ယင်း "ယင်" ကို တစ်စူးထိုးက လက်နန့်လိုက်ပစ်လိုက်တေ။

ဒုတိယ တစ်ခေါက်... ဒေယင် ထပ်ပြီးကေ အရာ သူ့နားခေါင်းမှာ နားလာပျာယ်။

သုံးခေါက်ထက်မှာ... တစ်စူးထိုး ကကောင်း ဒေါသထွက်လားရေ။

အော်... ဒေယင် ဒေယင်၊ ငါ နှစ်ခေါက် လိုက်ပစ်လိုက်ပျာယ် မလားသိမ့်။ အရာလည်း ငါ့နားခေါင်းမှာ လာနားနီရေဆိုပနာ ကကောင်းစိတ်ကူးဆတ်လားရေ။

ယေကေ အနားမှာဟိရေ ဒါးမကိုကိုင်ပနာ...

ယင်း "ယင်" ဒေါသတကြီးနန့် ခွပ်ဖို့ရာလိုက်ပျာယ်။

စကားကလည်း ကကောင်းမပီ။

"အမိလင် ယင်.... အမိလင် ယင်" ဆဲပနာ တရွာလုံးကိုလိုက်ခွပ်လို့ "ယင်" ခမာ ဖဖြိန့်တုန်အောင် ကြောက်လို့ထွက်ပြီးရရေ။

ရွာကလူတိကလည်း ငရို့ညီဝမ်းကွဲ ဒါးတချောင်းနန့် ယင်ခွပ်ဖို့လိုက်စွာကိုကြည့်လို့ အူဆို့အောင့်ရယ်ကတ်တေ။

ယင်းပိုင် ငရို့ညီဝမ်းကွဲတိ ညှက်စွာ။

အေးမောင် (ရင်အုံတော်ဓာတ်)