Thursday, April 2, 2009
လိပ်ပြာမှတ်တမ်း
လိပ်ပြာမှတ်တမ်း
----------------
နင်မသိကေလည်း
ငါဟိရေ လွန်ခရေတနှစ်မှာ
အကြည့်တခုအတွက်
ခြီလှမ်းတလှမ်း သဂြိုဟ်ဖူးရေ --။
မနိတနိကပိုင်နန့်
တနှစ် နှစ်နှစ်မကပျာယ်
ပြန်အတွိမှာ မယိမ်းမယိုင်ဘဲ
အလဲပြိုကျဖူးရေ --။
တိမ်တခုအဆုံးမှာ
မှုန်ဝါးရေ ပြက္ခဒိန်တခု
နင်ဟိရေ အေနှစ်မှာ
ကုန်ခရေ အလွမ်းချေတခု
မသိမသာ မျက်ရည်နန့်
အစဖျောက်ဖူးရေ --။
ပကာသန မပါရေ
လိပ်ပြာတကောင် အလှမှာ
နှလုံးသားတခု ရီစုန်မျှောဖူးရေ --။
ငိုသံမဟိရေ အေနှစ်မှာ
ရယ်သံတခုအတွက်
အတ္တတိ အဆုံးခံပီးလိုက်တေ --။
(သဇင်ဖြူ)
Subscribe to:
Post Comments (Atom)
No comments:
Post a Comment