Thursday, April 2, 2009
အိမ်မက်ထဲက လက်တဖက်
အိမ်မက်ထဲက လက်တဖက်
----------------------------
ကံတရား၏ကျေးဇူးပေါင်းများစွာနန့်
မင်းနန့်ငါ တထပ်တည်းကျဖူးရေ --။
“တခါလည်း ခွဲမလားပါ” လို့
ငါချစ်တေ နှခွမ်းအစုံက
ပြီးစလွယ် ပြောခလီသမျှ
အေကောင်က အရူးချော့ခံရပိုင်
အတ္တလက်ကျန် မဟိလောက်အောင်
အရည်ပျော်ဆင်းလို့
အငွေ့ပျံသန်းလို့ --။
လက်ဆုပ်လက်ကိုင်မရနိုင်ရေ
မင်းဆစ်ထုပုံဖော်ခရေ အိမ်မက်တိကြားမှာ
တချက်ချေ မင်းပြောဖူးရေ ပုံပြင်တုချေတိကြောင့်
သတ္တိအစစ်တိကို မွီးဖွား
ငါ့ကိုငါ ရှင်သန်အောင်တည့်မတ်ယင်း
မင်းတတွတ်တွတ်ပြောဖူးခရေ “နက်ဖန်ခါ” တိအတွက်
တလောကလုံးကို နောက်ခိုင်း
ငါ့နိတိ မြုံဆိုင်းနီစွာတောင်
မင်းကမ်းလာဖို့ လက်တဖက်ကို
အခုထက်ထိ ငါ... ငတ်မွတ်နီတုန်းရာ --။
(ညီစု)
Subscribe to:
Post Comments (Atom)
No comments:
Post a Comment