ရရိုးချချင်းချေပါ

ရရိုးချချင်းချေပါ
----------------
ပုပ်ထဲကစပါးတိ ရာဆိုကေ
အနင်းခံသမျှ လှလှပါလတ်ဖို့ …။

အိမ်ပြတင်းဖွင့်လျှက်နန့်ပင်
အလင်းတစမျှင် မ၀င်နိုင်ရေ အိပ်ခန်းထဲ
လဲလျောင်းအိပ်စက်မိရေ အဖပြည်ခမျှာ
ခြီလေးချောင်း ရုန်းရွိမရရေ စားပွဲခုံတလုံးပိုင်
အနည်ချေထိုင်နီခစွာ ကြာပျာယ်
ဖုန်တသောနန့် …။

ဗါဒီချေအပေါက်တလုံးနန့်
ရီခတ်မိရေ ဘ၀တိဆိုရေပိုင်
လ္ဘက်ရည်ဆိုင်စကားဝိုင်းမှာ
ဝင်ဆန့်လားရေ နာမည်တခုအတွက်
ဂုဏ်ယူဖို့အင်အား ထွက်လာကတ်စွာအမှား --။

ထော…
မှန်ဘီလူးခုံးထက်မှာ ဖြောင့်စင်းရေဓါးကို
အပြင်မှာ တံဇဉ်တလက်ရာလို့
ဇာသူယုံကြည်နိုင်ဖို့လဲလို့
တွေးလိုက်ကြည့်လိုက်မိတိုင်းမှာ
အပျင်းတချက် ဆန့်တတ်တေစိတ်နန့်
ညချေ… အိပ်အိပ်လားစွာမနည်းပျာယ် --။

ယေပိုင်နန့်
ကျောက်ခဲရော မီးသွီးရော ဒြပ်အရောအနှောထဲ
ပျောက်ပျက်လားရေယိုင်ကျေးမှုတခုကို
အခု…တွိနိုးမြင်နိုးလိုက်ရှာမိသူမှာ
ပွိုင့်ကမ်းမှာ ခရုကောက်ခံစားမှုနန့်မတူမှန်း
(အကျွန်ရို့လူငယ်တိုင်း)
သိဖို့တော့ ကောင်းယင့်ထင်ပါရေ --။

(ပန်းနုဇံ)